İran adlanan yerin təhlükəsizlik qüvvələri aprelin 2-də Urmiya gölünün yaxınlığında körpünün üzərinə toplaşmış və gölün suyunun qurudulmasına etiraz edən yüzlərlə azərbaycanlı fəalı həbs edib. İranda Azərbaycanlı Siyasi Məhbusları Müdafiə Assosiasiyası (ADAPP) bəzi tutulanların kimliyini açıqlayıb.
Bunlar Yavər Camali, Mürtəza Əvəzpur, Məhəmməd Tacdehi, Mənsur Seyfi, Ərsəlan Zarei, Həmid Valayi, Əhməd Valayi, Hüseyn Nəsiri, Əsgər Səduqi, Məhəmməd Təbrizi, Əli Bağbani, Yaqub Ramazani, Yaqub Cavani, Rəhbər İsmaili, Rəşid Bazbaz, Cavid Nəzmi, Əhməd Qulipur, Ehsan Ramazani, Əsgər Furutəni, Hadi Xudabəndə, Cəlil Budaqi, Məhəmməd Məhəmmədlu, Əzizxan Sadiqzadə, Seddiqi və sairdir.
“Baybak” saytı isə tutulanların adlarını aşağıdakı kimi açıqlayıb. Bunlar ADAPP-ın məlumatındakı adları çıxmaqla Yaşar (Taliqanı məhəlləsi), Nasir (Dəvəçi məhəlləsi), Yaşar (Urmiya), Həbib (Dəvəçi məhəlləsi), Savalan Araz (40 Metir), Əsğər (Nisfirah), Hüseyn (Duman), Hadi, Lalə, Nəimə, Quli Qadiri, Şişəvani və sairdir.
Son məlumatlara görə, həbsə alınanlardan 25 nəfəri İlxıçı rayon Polis İdarəsində saxlanılır. Onların kimliyilə bağlı hələlik məlumat yoxdur. Bundan əlavə, Üskü rayon Polis İdarəsinə göndərilmiş 47 soydaşımızdan 36-sı mülk girovu müqabilində azadlığa buraxılıb. Ancaq 11 nəfər hələ ki, polis idarəsində saxlanılır. Onların kimliyi haqqında hər hansı məlumat yoxdur.
Aksiyadan yeni videogörüntülər
http://www.youtube.com/watch?v=b5dgdXSLw4g
http://www.youtube.com/watch?v=7YkV6S9uJrc
http://www.youtube.com/watch?v=2tP8m29RRU8
http://www.youtube.com/watch?v=238Q95Fbois